344 TESTAMENTS ENREGISTRÉS AU PARLEMENT DE PARIS (584)
tt
Item, soit fondée une messe perpetuelle en l'eglise des Cordeliers à Nevers, en laquele repose partie du corps de mon tres chier et tres amé filz.............................................
Item, je vueil et ordonne que, se aucun résidu y avoit après les choses dessus dictes acomplies, le dit résidu soit emploié et distribué en euvres piteables à l'ordonnance de mes diz executeurs. Et pour les choses dessus dictes acomplir et mettre à execucion de point en point je esliz, fais et ordonne mes diz executeurs, ma tres chiere dame et cousine, madame de la Riviere dessus dicte, mon tres chier seigneur et cousin, maistre Hugues de Cayeu, prevost de Saint Omer, mon tres chier seigneur et cousin, Jehan d'Estouteville, seigneur de Villebon, mon tres chier seigneur, monseigneur Baudes, seigneur de Vauvillier, et mon tres chier conseillier, maistre Jehan Bailli, procureur en Parle­ment, avecques eulx les dessus diz messire Jehan le Fevre et messire Bobert de Bailleul, chapellains, en les suppliant qu'il leur plaise d'eulx en charger et ce present testament acomplir.
Item, je vueil et ordonne que les choses contenues en ce present testament ou derreniere voulenté et chascune d'icelles mes diz execu­teurs, les trois ou les deux d'iceulx, les puissent entériner et acomplir sans les autres appeller ou cas qu'ilz n'y pourroient estre tous ensemble, et, que se aucune chose y avoit à interpreter, à exposer ou declairer, les trois ou les deux d'iceulx en puissent ordonner selon leur bon advis et leurs consciences sans riens diminuer.
Pour lequel testament ou derreniere voulenté acomplir par mes diz executeurs en la maniere que dit est, je ordonne que ma vaisselle d'argent et tous mes autres biens meubles, quelz qu'ilz soient, soient venduz et adenerez par mes diz executeurs, trois ou deux d'iceulx, sans les autres appellez ou cas qu'ilz n'y pourroient estre. Et mon dit testament et execucion d'icellui, et tous mes diz biens meubles, ac­questz et heritages je soubzmet par la teneur de ces presentes à la court de Parlement du roy nostre sire à Paris, auquel et à sa dicte court de Parlement je supplie tant humblement comme je puis que